A BIBLIOTECA DA PORTA AZUL

O equipo de alumnado voluntario da biblioteca preparou o posto de libros solidario que se instalou por primeira vez na feira de Santa Xoana. Os rapaces e as rapazas axudaron aos máis pequenos lectores na elección de libros, procedentes de doazóns anteriores das familias. A cambio dun exemplar e dun marcapáxinas, deseñado algún por alumnos de secundaria, aportábase un donativo, contribuíndo así á recollida de cartos destinados a varias asociacións solidarias. Os encargados do posto de libros colaboraron de maneira responsable neste novo labor e fixeron un fabuloso traballo. Moitas grazas ao equipo e a todos aqueles que vos achegastes a este punto de lectura  nunha data tan especial.

Todo o colexio participou nas  propostas da biblioteca, ás que se sumaron tamén as desenvolvidas no ámbito de diferentes áreas e etapas: O noso castelo, ExpresArte, Recuncho de lectura, obradoiro de soporte da escritura, visita á librería, metáforas do libro en verso... Todas elas actividades para promocionar os libros, a creatividade e a importancia de adicar un tempo de lecer para a lectura. Un pequeno resumo en imaxes do que foron estes quinces días de traballo e exposición para conmemorar un ano máis a festa do libro.

O pasado 14 de marzo recibimos a visita da escritora Rosa Huertas. Os rapaces e as rapazas de 2.º de ESO leron o libro Tuerto, maldito y enamorado  galardoado co X Premio Alandar de Literatura Xuvenil no ano 2010, e o alumnado de 4.º de ESO, La hija del escritor . Como a mesma Rosa recoñece, disfruta  escribindo historias que falan do pasado e do presente, que misturan a realidade e a ficción,  e nas que os sentimentos traspasan as páxinas para emocionar aos lectores. E os lectores disfrutamos con: - O halo de misterio que desprende toda a novela e dan ganas de seguir lendo. - A intriga constante que fai que se lea con máis atención. - A confianza e o apoio emocional que supón Ricardo para Elisa. - A complicidade entre as irmás. - A forma tan natural de introducir o mundo das pantasmas no noso. Ao coñecer o nome de Lorenzo, pasa de ser unha pantasma a un personaxe real. - A maneira na que Elisa vai superando os seus medos pouco a pouco e o sacrificio que fai por alguén que non coñece.